أهلا وسهلا بك زائرنا الكريم.نرجو منك تسجيل الدخول إذا كنت عضوا أو التكرم بالتسجيل في منتدانا الغالي "منتدى عالم الونشريس".
و شكرا

    الفهامة تعوود بحلة جديدة ( الحلقة الاولى )

    شاطر

    nariman




    انثى عدد المساهمات : 894
    نقاط : 3880
    تاريخ التسجيل : 12/02/2010
    العمر : 24

    الفهامة تعوود بحلة جديدة ( الحلقة الاولى )

    مُساهمة من طرف nariman في السبت 12 يونيو - 0:28

    كذكرى وفكرة جديدة على الطريقة الجزائرية طريقة الفهامة
    في طرح مواضيع اجتماعية بقالب صيفي خفيف وفكاهى
    :-:-:-:-:-:-:-:-:

    وحلقـــــــــــــة اليوم




    اذا حبينا نعرفو الشوماج راه في الحقيقة ماعندوش تعريف محدد
    ولهدا نزلنا للشارع وسألنا فئات مختلفة من الشعب
    وكانت الاجوبة :



    الاول : الشوماج .... !!! هو الشوماج

    التانى : الشوماج هو ....... امممممممممم عكس الخدمة

    التالت : كي يكون البوطو خير منى معناها رانى شومار
    هو اوموان يضوي فالليل .... قاعد يخدم





    يا خسارة شومارة ومايعرفوش واش هو الشوماج !!!!!



    ايا رحنا لواحد قاعد وحدو

    خويا باين خدام نتا ؟؟؟

    ايه ..... مي تعب بزااف الخدمة والله القعدة خير

    تعب ؟؟!! معليش المهم كي تخدم خويا .... واش تخدم ؟؟

    تعب والله تعب ديجا راني نحكي معاك بالسيف دركا

    هيه واش تخدم خويا ؟؟؟؟

    على بالك .... نعبي البرويطة بالرمل ونطلعها للسانكيام ونزيد نهبط
    نزيد نعبيها ونطلع بيها ونزيد نهبط ....... نهار كامل هكا

    اااااااه ربي يعينك خويا بزااف صح !!! مي تبقى ديما خير مالقعدة

    ايه

    وعندك بزاااف وانت تخدم هكا !!!

    لالا .. غدوا نبدا !!!!!!



    :-:-:-:-:-:-:-:-:-:-:


    كاينة معادلة في بلادنا ماعندهاش حل ؟؟
    الناس الكل شومارا والناس الكل خدامة
    وارواح تفهم !!!!

    نحبو نفهمو اكتر

    الشوماج في بلادنا ماعندوش علاقة بالفقر !!!!
    يعنى تلقى شومارا متهنيين بزرقهم
    وقاعدين

    ومش كل خدام ماشي شومار
    في بلادنا كاين ناس تخدم في والو
    الوالو هدا : لما يروح للبيرو روطار (كان فالقهوة يتقهوى) كي يدخل يجبد جورنال
    ويشعل قارو
    وهاو مقسر للـ 12 يروح يتغدى
    ويقيل ..... ويروح فالعشية حسب القوسطو يا للبيرو يا للقهوة يديمن
    وهكدا كل يوم
    +
    كاين خدم تتطلب عبد واحد وبالاك طفل صغير
    لالا حنا يجيبولها شونتى كامل
    ويبقى واحد يخدم والجماعة تتفرج
    والكل يخلص عليها
    وعيش يا البلارج في بلاد الواقواق

    ولكان نكمل لحكايات تع الشوماج ماتخلاصش
    خاطاك راني شومار وفارغ شغل مالا

    اخطيونى








    [size=21]
    هذا الحوار دار بين عامر ومراد على جال السكنة

    يلا تبعوني باش تعرفو واش صرى مع المساكن

    ::
    ::

    عامر :السلام عليكم ورحمة الله تعالى وبركاته

    مراد : وعليكم السلام ورحمة الله تعالى وبركاته



    عامر: ها وشراك يا مراد

    مراد :يا اخويا عامر راني شوية شوية مع الوقت

    عامر : واش غير الخير يا مراد

    مراد :انا خلاص كرهت حياتي لا خدمة لا حتى حاجة
    عبالك وكي يجونا الضياف للدار يحاوزني الشيخ
    يقلي روح دبر راسك وين ترقد راك تشوف في الضياف وماعندهمش وين يرقدو والله ياعامر البيت انتاعنا صغير بزاف
    ورانا نرقدو بدالة انا نرقد شوية وبعدها نوض ويرقد خويا جمال في مكاني ..وراني على هذا الحال من وقت فات ...انا خلاص لازم ننتحر ولا نرهج روحي




    عامر :يا مراد راه ربي يفرج ..مي خويا وعلاش تنتحر
    وعلاش ترهج روحك وعلاش

    مراد :يا خويا خلاص مليت حياتي والله مراني ندور على الدراهم ندور على السكنة برك باش نعود نرقد وما يحاوزنيش الشيخ

    عامر :والله صح مشكل انتاع الصح هذي السكنة ...مي
    كاين حاجة ..بلاك طلعلك شوية مرال

    مراد : قول يرحم والديك ...راي قريب تحكمني سكتة قلبية قووووول

    عامر :يا مراد انا امبارح وكي كنت قاعد نتفرج في النشرة انتاع 8.00 سمعت واحد الوزير وبلاك هذا الوزير انتاع السكن
    سمعته يحكي على السكنة

    مراد : هيه كمل يامصيبة واش قال هذا الوزير

    عامر :هات قارو قبل باش نكمل



    مراد :يا حصراه وانا مين جاني الدخان ياك راني من الصباح
    وانا قاعد معاك ..هيه كمل واذا لقيتها صح نشريلك قارو

    عامر :راه قال بلاك هذا العام رايح يوزع 70 لوجمة
    على الزوالية

    مراد : قول والله ...والله يا عامر تستاهل قارو افراز على هذا الخبر



    عامر : مي كاين شروط باش يعطولك اللوجمة

    مراد : واشي هذي المصيبة تاني

    عامر :فيها شوية دوسيات

    مراد :يا حصراه على الدوسيات راني مين
    شفيت لروحي وانا غير مع الدوسيات ..ياعامر راني شاك في هذا الوزير غير يتمسخر

    عامر : اواه ما شيكتش يكذب شفته قال هذي الكلمات وهو يضحك

    مراد :قول والله يضحك ...املا خلاص قريب ندي السكنة

    عامر : ان شاء الله يفرجها ربي على كل الزوالية

    مراد :غدوى ان شاء الله انا اول واحد يدخل البلدية باش نخرج الدوسيات

    عامر : ان شاء الله ....يا مراد انا غادي نقلع درك نروح للسوق كاش مانكردي شوية خضرة للدار

    مراد : ايا صاح نتلقاو بعد العشاء

    عامر : ان شاء الله
    ::
    ايا درك لحق وقت لي تواعدو فيه
    ::
    عامر :صاحا مراد فطرت مليح

    مراد : ههههه فطرت مليح ياو راني من الصباح وانا قاعد هنا وين نروح يرحم والديك

    عامر : آآآواه متحركتش كامل من هنا يا مراد خلي الحيط يريح شوية

    مراد : قلي برك وين نروح ...ولحيط هذا يزيد يصبر علينا شوية برك راني قريب
    ندي لوجمة ..والله ما يزيد يشوفني هناا ههههه


    عامر : يا مراد لوكان تدي لوجمة واش دير بيها

    مراد : والله مين رحت انت وانا قاعد نخمم فيها ...مي بلاك لقيت الحل

    عامر:واش هي ان شاء الله[/size]











    الصحفي: هيا تبع بالكاميرا انت...هيا نرحوا نشوفوا هاداك اللي
    متكي عالصور....
    خويا السلام عليكم ورحمة الله...

    [center]


    الشومور: وعليكم....السلام...و رحمة الله تعالى....وبركاته...أ نعم...

    كشما تسحق أخويا؟؟؟؟؟ لا كارت ؟؟ هاي لاكارت
    الصحفي:لا خويا مشني بوليسي ...أنا جورناليست


    الشومور:راني متكي عالصور ني خدمة ني قدمة...مسحّت مالدار depuis 3 mois...
    غير الكيف...غير الكيف..أصحيبي...راك تشوف في العظام في وجهي
    تقول عليا راديو..
    الصحفي:أصحيبي معليش...كل ضيقة وراها فرجة...يفرج ربي
    ان شاء الله..
    الشومور:ان شاء الله...عمبلنا يقفل باب يحل عشرة...بصح أنا
    عبالك مكادنيين البواب تاعي ...درت الشر ياسر..
    الصحفي:معليش ربي غفور رحيم...خويا هادي مشها حصة تع تربية
    اسلامية...خويا... راها حصة تع زواج..
    الشومور:ياو عامبالي علاماه جاي...راهي مكتوبة في جبهتك...درك
    انتايا علاواه تسقسي...جورناليست ومعاك الكاميرا؟؟؟...علاماه
    تسقسيو فينا...
    الصحفي:لاخويا ...احنا خرجنا ليوم نشوفوا آراء الشباب تاعنا في
    الزواج..
    الشومور:تتمصخر بيا ...زواج أصحيبي؟؟؟ حق قهوة ماعنديش تقولي
    زواج؟؟؟ تشوف فيا متكي عالصور أصحيبي ..
    الصحفي:أخويا كيما يقولوا ...تقدر تتزوج ويفرج عليك ربي...
    الشومور:اي روح جيبنا مرى...تتمصخر بيا؟؟؟...هادي فيقورة تع
    زواج؟؟؟..ماتشوفش فيا..راني وليت فيراي كيما الطونوبيل...صدري
    طاح مالتذراح كي البراح...

    وش رح ندير ...ديجا نقولك حاجة...راك
    تضيع في وقتك...زيد.. الغاشي كامل راهو يتفرج معانا...راك تدور في
    شارع الشوماج
    ..مرحبا بيك...تتمصخر بيا...شكون يخمملك في الزواج في لبلاصة
    هادي...اللي يزوج هنا أونديري عبالك وش؟؟؟؟ أونديري كسب
    مانعرف وش؟؟؟ أونديري ولى مليونير...
    الصحفي:لا أصحيبي ..وش حاب نقولك أنا...حاب نعطيك أسئلة برك
    وانت جاوبني مباشر..
    الشومور:اي روح اتفضل..اسأل
    الصحفي:ما رأيك في الزواج؟؟؟


    الشومور:الزواج عندي أونديري حطيتي راسك في الفينقا...
    الصحفي:اي لا أصحيبي..وش حطيتي راسك في الفينقا...راني مزوج
    ولاباس بيا..


    الشومور:ايه انت جورناليست تدي 7 ولا 8 ملايين في الشهر...كرافاطا الله يبارك و الكوستيم..وباينة دارك متولة غير
    بالسوني sony ..جاي تهدر معايا ؟؟؟..تليفيزيون عندي من ميل
    نافسون...من الكاترفان ويت 88 ماتفرجتش ،ليماتش تع لالجيري
    حبستهم..
    الصحفي:بصح أصحيبي تقدر تكوّن روحك؟؟؟
    الشومور:وش نكوّن روحي وش نكوّن روحي؟؟؟ عبالك قداه في عمري؟؟؟
    الصحفي:قداه؟؟
    الشومور:عبالك قداه في عمري؟؟ راني 45 سنة أصحيبي ، 45 سنة شوماج...راني طبت طبت طبت...قيلني ..روح عافني..



    الصحفي:لا خويا ...خبي الموس ..احنا مش جينا نتعاركو..
    الشومور:اي روح برك روح روح...يخي حالة يخي
    ..باينة mauvaise journée ألطيف..







    ::
    ::
    ::
    ::
    مراد : لوكان يعطوهالي صح ...غادي نبقى نشوف فيها شوية ونبدا نبكي على
    حالي ..


    عامر : تبكي !!

    مراد : واه نبكي شوية نبكي على زهري العيان

    عامر :المهم بغيت تبكي ولا تقعد المهم بلاك
    تنساني اذا عطاوك لوجمة هذي

    مراد : والو يا صحيبي ماتخافش والله غير يعطوهالي
    غادي نبيع جدها ونشري سيارة ..وتولي تركب معايا ..ونحوسو بيها

    عامر : تبيعها !

    مراد : واه نبيعها ..ونشري سيارة .. ونولي نرقد في السيارة


    عامر :ايا مليح
    ايا هنا قعدو المساكن يخمو طول الليل

    عامر : مراد لازم نروح نرقد درك غدوى نتلقاو

    مراد : ايا صاحا روح ترقد

    عامر : وانت تاني لازم تروح ترقد وتريح غدوا راه عندك نهار كبير

    مراد : والله يا خويا عامر عندنا ضياف اليوم ولازم نبات برة

    عامر :آآآوااه اليوم تاني تباة برة

    مراد : واه والله كرهوني هذون الضياف كل يوم عندنا واش يحوس عندنا

    عامر : ايا تصبح بخير غدوا ان شاء الله

    مراد : ايا تصبح على خير
    ايا راه وقت النوم درك ..

    ::
    ::
    والمساكن بقاو يحلمو ههههههه
    ::
    ::
    عامر :صباح الخير مراد

    مراد : صباح الخير يا عامر

    عامر :وين رقدت امبارح

    مراد : ياو رقدت في الحمام انتاع زكي

    عامر : واش يا مراد خرجت الورق ولالا

    مراد :واه خرجتهم كامل ..والله كرهت وانا نجري على الورق

    عامر : ايا مليح وكي خرجتهم ..مي سمعت تاني خبر واحد اخر

    مراد : خير واش هو

    عامر :راه يقول لازم تخلص 10ملاين باش يعطولك اللوجمة

    مراد :الله اكبر ...واش هذا ..واش هذا الخبر مع الصباح

    عامر :راه الوزير صرح بيها امبارح

    مراد :الله لاتربحك لا انت ولا الوزير انتاعك
    وانا بايت نخمم ...حلمت روحي ديت اللوجمة وبعتها وشريت سيارة
    وجااي انت درك تقلي راه يقول الوزير 10ملاين


    عامر : ها راه الوزير يقول مش انا

    مراد : نقلك حاجة يا عامر انا مين رايحة تجيني 10ملاين ياك راني قاعد
    تحت الحيط برك

    عامر:راه ربي يفرح يا مراد

    مراد :شوف يا عامر راك وصلتني لخلاها

    عامر : وعلاش تقول هاك يا مراد ؟

    مراد :شوف ياعامر وصلتني حتى وليت نخمم بزاف في هذي اللوجمة
    كنت مريح راسي من التخمام وزدت عليا انت


    عامر :آآآآواه واش بيك انت تاني هبلت ولا واش

    مراد :واه هبلت راك طيحتلي المورال كامل روح تبعني احسن

    عامر : يامراد يهون عليك قلبك وتسمح فيا

    مراد : خيار يا عامر تروح تبعدني ولا نقتلك درك

    عامر : آآآواه يا صحيبي باغي تقتلني

    مراد : واه نقتلك روح بعد جدي راك هبلتني ...كنت مليح
    مي درك راه قلبي تعمر روح بعدني روح احسنلك روح

    عامر :اواه صحيبي راك هبلت

    مراد : ارواح تشوف واش نديرلك

    ::
    ::
    ايا هنا مراد جبد موس لعامر وعامر هرب
    ::
    ::
    مراد : ياووو احكمو جدووو ارواح ارواح اليوم نجبدلك قلبك ارواح

    عامر : ياو نجيك باش تقتلني جاامي

    مراد : ياويلك لوكان نحكمك ...

    عامر : ياو تحكم عشرة ههههه

    مراد : معليهش اهرب مي كي نحكمك ماتبكيش ...هبلتني شيبتلي راسي

    خليتني نحلم في اللوجمة ..وحلمت بعتها ...ودرك جاي تقلي ...راه يقول الوزير
    لازم تخلص 10ملاين ...انا ماعنديش باش نشري قارو

    الله لا تربحك لا انت ياعامر ولا الوزير انتاعك
    ::
    ::
    ::












    :: ملاحظة ::




    هدا الركن للتسلية فقط وليس للتنبؤ او غير ذلك
    كذب المنجّمون ولو صدقو













    ••¤(`×[¤ برج الخروف ¤]×´)¤••

    وحكمتك تقول :
    ما يوكلك فالخبز غير اصباعك و ما يطلعك من الضيق غير ذراعك

    ونهديولك اغنية :
    الطليانى : خبز الدار ياكلو البرانى


    ••¤(`×[¤ برج الرّامول ¤]×´)¤••

    وحكمتك تقول :
    اذا كان في الخدمه صلاح في الفراغ فساد

    وهادي ليك ::: لطفي DK : بلاد ميكي


    ••¤(`×[¤ برج التوام ¤]×´)¤••

    وحكمتك تقول :
    اللي ما يشقى ما يلقى
    ونقولو للطفلة :
    إلي تخونها ذراعها...تقول مسحورة

    هههه جيل صعيب وكيما قال لطفي : ياويلي ويلي



    ••¤(`×[¤ برج السرطان ¤]×´)¤••

    وحكمتك تقول :
    خدمة النهار ما فيها عار

    واغنية : زوالى وفحل



    ••¤(`×[¤ برج الصيد ¤]×´)¤••

    وحكمتك تقول :
    الليل للنعاس و النهار للدّراس

    حميد بارودى : البارح كان في عمري عشرين


    ••¤(`×[¤ برج العدرا ¤]×´)¤••

    وحكمتك تقول :
    اخدم يا تاعس على الراقد الناعس
    و
    اخدم ياصغرى على كبرى واخدم ياكبرى على قبرى

    عزو : كرنفال في دشرة


    ••¤(`×[¤ برج الباصكولا ¤]×´)¤••

    وحكمتك تقول :
    كان جا الخو ينفع خوه ما يبكي اليتيم على بوه

    الطليانى : ouled-l-algerie-lakamora



    ••¤(`×[¤ برج السكوربيو ¤]×´)¤••

    وحكمتك تقول :
    عاش يتمنى في عنب مات جبولوا عنقود ما ينجح فنان الغلبة إلا من تحت اللحود

    gnawa diffusion : ماتش بطيخ


    ••¤(`×[¤ برج القوسة ¤]×´)¤••

    وحكمتك تقول :
    إلي يستنَى خير ملَي يتمنَى واللي يتمنى خير من اللى يقطع لياس

    كون جاعندك واش تدير ؟؟
    شوف رفيق ganja : واش يدير



    ••¤(`×[¤ برج العتروس ¤]×´)¤••

    وحكمتك تقول :
    النفس نفسك وانت طبيبها وين تحطها وين تصيبها

    رضوان : خايف نصحى ونندم



    ••¤(`×[¤ برج البيدون ¤]×´)¤••

    وحكمتك تقول :
    كانك خياط تبع الغرزه

    gnawa diffusion : باب الواد كينقستون



    ••¤(`×[¤ برج السردينا ¤]×´)¤••

    وحكمتك تقول :
    واحد يعرس ولاخر يتهرس

    عزو : وزيد يا بوزيد



















    "لن تشاهدوا هذا ولا ذاك الا في حصة عنبر القصديرة"

    "عنبر القصديرة...عنبر من لاعنبر له"




    [size=16]
    تشير الاحصاءات ان نسبة البطالة في الجزائر سنة 1998 بلغت 29,2 %
    وسجلت سنة 2006 نسبة 12.3 % مايعادل 1240800 بطال

    ولو طرحنا النسبتين لوجدنا 16.9%
    مفقودة
    اي مايعادل 1704840 بطال











    -::-:: فهل ::-::-

    وجدوا عملا ام ماتو ام حرقو ؟؟؟


    -::-:: وهل ::-::-

    سنة 2012 تكون نسبة البطالة 0 ؟؟
    اذا اتبعنا الارقام

    :::::::::





    وخلال هاد الفترة ( 8سنوات
    يتخرج الاف الطلبة من الجامعة
    اضرب في ثمانية

    ويسرب الاف التلاميد من المدارس
    اضرب في تمانية










    -::-:: فهل ::-::-

    هؤلاء داخلين فالحسبة ؟؟


    -::-:: وهل ::-::-

    يختلف بطال بروميار اني عن روتريتي فالبطالة ؟؟








    على الرغم من أن الحقيقة في الشارع وفي المقاهي،
    في البيوت أيضا، لا يزال الشباب يعانون من متاعب حقيقة في الحصول على "منصب عمل"،
    كما أنهم لم يتوقفوا في التعبير عن امتعاضهم من ظاهرة البطالة.
    لقد عوضت مشكلة "الحراقة" بشكل حاد، ظاهرة " الحيطيست"
    ،















    أرقام الناشطين الذين يبحثون عن وظيفة بطبيعة الحال بلغت حسب الديوان 1240800 بطال،
    وهو ما يعادل 12.3 %.
    وبلغ عدد البطالين أقل من 30 سنة 869879 بطال وهو ما يعادل 70,1% من إجمالي البطالين










    +





    وقدرت نسبة البطالة في الوسط الحضري 62,6 % مقابل 37,4 % في الوسط الريفي.

    . مما يؤكد أن البطالة تستهدف الشباب أكثر فأكثر في الوسط الحضري.









    -::-:: هل ::-::-

    توضح هذه الأرقام فعلا ظاهرة البطالة في الجزائر؟


    فلنتابع التحليل.





    التشغيل في الجزائر يوضح كالأتي:
    أرباب العمل والأحرار(32,1%)،
    الأجراء الدائمين(32.7%)،
    الأجراء غير الدائمين والمساعدات العائلية (35,2%).

    ولا تمثل الوظائف الدائمة سوى ثلث الشغل الإجمالي، وهي نسبة في تراجع مستمر. لقد كانت سنة 2005 في حدود 38,2% من مجموع الوظائف. في فئة "أرباب العمل والأحرار"، و"الوظائف المؤقتة والمساعدات العائلية" نجد عددا كبيرا من "عمال" القطاع الموازي والعمال المؤقتين، 49% منهم غير مصرح بهم لدى الضمان الاجتماعي. نحن هنا أمام شغل هش وعمال فقراء.










    -::-:: فهل ::-::-

    يعوض هؤلاء يوما ما نسبة 16.9 % الممتصة ؟؟






    حسب قطاعات النشاط، يتوزع الشغل كالتالي:
    التجارة، الإدارة العمومية والخدمات(53.4%)،
    الفلاحة(18.1%)،
    البناء والأشغال العمومية(14.2%)،
    الصناعة(14.2%).















    القطاعات التي توفر فرص أعلى، هي قطاعات التجارة والإدارة العمومية، كما أن عمال القطاع الفلاحي لا يشتغلون سوى 50 إلى 60 يوم في السنة، ويعرف قطاع البناء والأشغال العمومية ديناميكية بفضل الإنفاق العمومي للتجهيز، أما الصناعة فأصبحت تشغل عدد أقل من العمال، وحصتها في التشغيل تراجعت









    واخيرا

    -::-:: هل ::-::-

    تفكرولي خدمة ؟؟

    ملاحظة




    الاحصاءات حقيقية والمصدر : الديوان الوطنى للإحصاء









    [/size]








    :-:-: المشهد الاول :-:-:

    ايلا قدرت تطير ..... طير



    :-:-: المشهد التاني :-:-:

    تقرا تلقى !!!! واش تلقى ؟؟



    :-:-: المشهد التالت :-:-:

    ركزولنا على الخبزة !!



    :-:-: المشهد الرابع :-:-:

    مستقبل مضمون ... لا جوناس 2008



    :-:-: المشهد الخامس :-:-:

    et oué....... هدا طموح من صغرو



    :-:-: المشهد السادس :-:-:

    فرصة عمل ... وحتى لي ماقراش يخدم



    :-:-: المشهد السابع :-:-:

    tout va bien !!



    نترك التعليق لكم .....!!!










    طالب جامعي يهرب في زورق إلى إيطاليا ليلة تخرجه




    اهتزت الساحة الجامعية بجامعة باجي مختار بعنابة، بحر الأسبوع الجاري، وبالضبط ليلة الأحد إلى الإثنين، على وقع حدث فريد وغريب من نوعه.

    يتمثل في إقدام الطالب الجامعي (ش.و) 23 سنة، منحدر من ولاية خنشلة، ومقيم بالإقامة الجامعية 1000 سرير التابعة لمديرية الخدمات الجامعية سيدي عمار، على المغامرة ضمن قافلة الهجرة غير الشرعية، ضمت 22 شابا انطلقوا من شاطئ واد بقرات بسرايدي على متن قارب صيد باتجاه جزيرة سردينيا الإيطالية، الغريب في أمر هذا الطالب الجامعي، هو أنه كدّ واجتهد طيلة العام الدراسي، وسهر الليالي لأجل تحضير رسالة التخرج تخصص دراسات تطبيقية في الكيمياء، ليقرر في آخر لحظة وليلة قبل وقوفه أمام لجنة التحكيم لمناقشة رسالة التخرج توديع الجامعة وتطليقها والتخلي عن الشهادة الجامعية، موجها بذلك رسالة إلى المسؤولين مفادها "أدرك جيدا أنني لن أستفيد شيئا من شهادتي هذه"، وقد ظلت الحادثة محل حديث العام والخاص بالحرم الجامعي، لاسيما وأن المعني كان قد دعا والديه إلى حفل التخرج وإحضار الحلوى والمرطبات.
    وأبحر ليلة أول أمس، من شاطئ واد بقرات بسرايدي بولاية عنابة، 23 شابا تتراوح أعمارهم ما بين 22 و42 سنة، باتجاه جزيرة سردينيا الإيطالية، على متن ثلاثة قوارب صغيرة، المعنيون المنحدرون من ولايات عنابة، الطارف وسكيكدة، كلّم بعضهم عائلاتهم، وأخبروهم بنبأ وصولهم سالمين معافين إلى الضفة الأخرى، لكن بعد 30 ساعة من المعاناة في عرض المياه البحرية.

    ::
    ::
    ::
    ::

    أنهى الدراسة وأنهى معها وجوده في الجزائر..لماذا؟












    من الحلقة الاولى ... ننتظر اراءكم وانتقادات
    ونقول للفرق الاخرى ... ريحو ترونكيل الشوماج كلاكم وماتديروش كيفنا


    [/center]

    زائر
    زائر

    رد: الفهامة تعوود بحلة جديدة ( الحلقة الاولى )

    مُساهمة من طرف زائر في السبت 12 يونيو - 0:31

    شكرا لك

    spiratek




    ذكر عدد المساهمات : 2865
    نقاط : 5996
    تاريخ التسجيل : 26/02/2010
    العمر : 27
    العمل/الترفيه : net

    رد: الفهامة تعوود بحلة جديدة ( الحلقة الاولى )

    مُساهمة من طرف spiratek في السبت 12 يونيو - 0:41

    هههههههههههههههه

    شكرا عبير



    اشهد ان لا اله الى الله وان سيدنا محمد رسول الله

    nariman




    انثى عدد المساهمات : 894
    نقاط : 3880
    تاريخ التسجيل : 12/02/2010
    العمر : 24

    رد: الفهامة تعوود بحلة جديدة ( الحلقة الاولى )

    مُساهمة من طرف nariman في السبت 12 يونيو - 1:05

    شكرا على تفاعلكم

    dounia




    انثى عدد المساهمات : 1033
    نقاط : 3618
    تاريخ التسجيل : 30/01/2010
    العمر : 23
    الموقع : الجزائر
    العمل/الترفيه : الرياضة

    رد: الفهامة تعوود بحلة جديدة ( الحلقة الاولى )

    مُساهمة من طرف dounia في السبت 12 يونيو - 12:29

    شكرا لك عزيزتي

    KAWTHAR







    انثى عدد المساهمات : 879
    نقاط : 3829
    تاريخ التسجيل : 23/01/2010
    العمر : 21
    العمل/الترفيه : الرياضة

    رد: الفهامة تعوود بحلة جديدة ( الحلقة الاولى )

    مُساهمة من طرف KAWTHAR في الأحد 13 يونيو - 1:08

    فاق الروعة
    شكرا عزيزتي

    kimo




    ذكر عدد المساهمات : 285
    نقاط : 2772
    تاريخ التسجيل : 11/05/2010
    العمر : 25
    الموقع : منتدى ربوع الونشريس
    العمل/الترفيه : كرة القدم

    رد: الفهامة تعوود بحلة جديدة ( الحلقة الاولى )

    مُساهمة من طرف kimo في الأحد 13 يونيو - 19:33




    الوردة الحمراء




    انثى عدد المساهمات : 9
    نقاط : 2430
    تاريخ التسجيل : 09/05/2010

    رد: الفهامة تعوود بحلة جديدة ( الحلقة الاولى )

    مُساهمة من طرف الوردة الحمراء في الأحد 13 يونيو - 21:07

    شكرا لك على هدا الموضوع

    nariman




    انثى عدد المساهمات : 894
    نقاط : 3880
    تاريخ التسجيل : 12/02/2010
    العمر : 24

    رد: الفهامة تعوود بحلة جديدة ( الحلقة الاولى )

    مُساهمة من طرف nariman في الإثنين 14 يونيو - 1:10

    أشكركم جميعا من كل قلبي

    koki31




    ذكر عدد المساهمات : 804
    نقاط : 3401
    تاريخ التسجيل : 07/05/2010
    العمر : 23
    العمل/الترفيه : sport

    رد: الفهامة تعوود بحلة جديدة ( الحلقة الاولى )

    مُساهمة من طرف koki31 في الإثنين 14 يونيو - 2:04

    رائع مشكورة ناريمان على هذا الموضوع الجميل
    و الله فكرة ممتازة ماشاء الله دمت متالقة

    ????
    زائر

    رد: الفهامة تعوود بحلة جديدة ( الحلقة الاولى )

    مُساهمة من طرف ???? في الخميس 15 مارس - 14:55

    واوووووووووو روعة يعطيك الصحة

    mimi-rara




    انثى عدد المساهمات : 207
    نقاط : 1971
    تاريخ التسجيل : 24/03/2012
    العمر : 22
    العمل/الترفيه : ممارسة الرياضة

    رد: الفهامة تعوود بحلة جديدة ( الحلقة الاولى )

    مُساهمة من طرف mimi-rara في الأربعاء 9 مايو - 18:33

    هااااااااااااااااااااااايل يعطيك العافية

      الوقت/التاريخ الآن هو الجمعة 9 ديسمبر - 8:48