رتـــــــــــــاج تبدأ

السلاااام عليييكم...

كييف أحوااالكم؟؟
يشرفني نحط أول موضووع في هااذ القسم الجدييييد

أولا نشكر موحولميين من كل أعماااق قلبي لأنه يجتهد و يكد لأجل رقي المنتدى

علابااالي كامل راكم في فترة امتحاناات و ضغط خااصة الي عندهم شاهااادات سواء البكالوريا أو التعلييم المتوسط

أحم أحم...

ضوك نبدا نخبركم مشكلي

مشكلي مع المديييييير ههههههه
يحكمنا من 1 حتى لل5 و حتى لو الأستاذ ماجاش انت تقعد و تقرا...واش من قرااية؟؟o_0بالإضاافة إلى أن التلااميذ يدووها زعااقة برك


أنا أفضل نجي للدار و نحفظ كاش درس و لا زووج لكنه هو....لا حيااة لمن تناادي

و بالزياادة راه يقوللنا تجوا تقراو بعد الإختبارااات...يعني كي نكملوا الإثنين إن شااء الله الإختبارات نرووحوا نقرااو..
عن نفسي نشووف على حساب التوقيييييت إذا نروح و لا لالا...

و مانحكييلكمش على الضغغط..في الدار نجي نريح شوية يقولولي روحي تقراي..خاصة خوتي هههه و بابا ثاانيك...ماما على العكس مرة على مرة تقولي أرواحي ديريلي كذا أو كذا...لأن جدتي ربي يرحمها تقول دائما كي تحب تريح من شغل دير شغل آآخر..

المهم،،نرجعوووا للأجوااء في القسم...
الرياااضيااات...وليت مانحبهاااش هههه
السبت عندي 3 ساعات(8---11)
الأحد ساعة(14--15)
الإثنين 3 ساعات(11--12)(13---15)
الثلااثاء سااعة(10--11)
الأربعاء ساعتين(15-17)
الخميس 3 ساعات(9--10)(14--16)
خلااص خصت غير الجمعة هههههه

13ساعة غيير ريااضيات في الأسبووع هههههه

ولييت نفشل كي تلحق الحصة نحب نمووت و لا ننعس ههههههه

يعني هااذي هي أجوااء الدرااسة في قسمنا(4م1)

المهم باختصااار الضغـــط..و زيد كي نتفاهموا احنا التلااميذ و نتفاءلوا يجي كاش استااذ و يبداو يخوفووا فيينا..و يقولولك 10سنين من حيااتك تضيع و وين ترووحوا.....ههههههه

أنا في الحق مانيش معمرة بزااف رااسي..هههه البرهاان نظل نكونيكتي هههههههههه

أيا نقااارع لتعلييقااتكم....Wink

هو ضغط إمتحانات ليس إلا و بعد أسبوع أو إثنين سترتاحين منه

انا أنصحك بالتركيز على المواد ذات المعاملات المرتفعة كالأدب و الرياضيات و كذلك على المواد التي ستكون أساسية لك في العام المقبل حسب إختيارك.

اما بالنسبة للمواد الادبية و التي تحتاج إلى حفظ فصدقيني أن الوقت المناسب للحفظ هو وقت الصبح فهنالك يكون العقل شاغرا و قابلا على تدارك أي شيئ

هذه نصيحتي كمجرب اتمنى لك النجاح في الشهادة انت و كل الممتحنين


السلام عليكم

ههههههه ربي معاك واش راه قادك
اصبري برك اختي رتاج
بعد اللي تنجحي ان شاء الله كل التعب يولي يبانلك قليييييييييييييييييييل وتقولي لوكان غير زدت شوية
حلاوتها في صعوبتها
بالتوفيق لك وكل المقبلين على الامتحانات
والمدير هاداك ربي يهديه ههههه

ههههههههههه...لوكان غير جيت بلاصتك حياتي كامل رياضيات
وكيما قال خويا لمين ركزي على المواد الاساسيةة للجذع المشترك لي حابة تروحيلو لانهم يخيرو على حسب معدل المواد وليس معدل bem
اما نصيحة ليك اخطي الانترنت هبطي قاع الحوايج لي تسحقيهم ومبعد ما توليش تفتحي الانترنت
هذا لي درتو انا قبل bem شهر مامسيتش الانترنت
اما المدير فهو علاجال مصلحتكم حتى حنا دارونا هكذا قبل لانو كي تجيك حاجة صعيبة تقدري تسقسي les prof دياولك
وربي يوفقك وكامل الي هيعدو العام هدا

شكرا لكم على النصاائح
لمين فيم يخص الحفظ في الصبااح يعني نحب الرقااد ههه أنا نجبد و السريير يجبد هههههههه

لكن راني وصيت ماما هاذ اليامات راهي تنوض تصلي نوض نصلي و نحفظ


صح يا خلييل ههههه راني قلت لماما غير هاذ السمانة و نزير أكثر على رووحي

الجزاائرية راني عولت من نهار الجمعة إن شااء اللع مانزيدش نكونيكتي و إذا كونيكتيت مانطولش غير نطل عليكم و نخرج ههههه

الله يسهلك خيتو و إن شاء الله كي اليوم ونشوفوك تتصدري قائنة الناجحين أنت و كل من له شهادة هذا العام سواء من داخل المنتدى او من خارجه

moholamine كتب:الله يسهلك خيتو و إن شاء الله كي اليوم ونشوفوك تتصدري قائنة الناجحين أنت و كل من له شهادة هذا العام سواء من داخل المنتدى او من خارجه

اللهم آآآآآآآمييين.....آآجمااعين

العام الجاي أني نجي ليكم اتهلا فيا هههه عامي الأول ههههههه

رتاج الونشريس كتب:

moholamine كتب:الله يسهلك خيتو و إن شاء الله كي اليوم ونشوفوك تتصدري قائنة الناجحين أنت و كل من له شهادة هذا العام سواء من داخل المنتدى او من خارجه

اللهم آآآآآآآمييين.....آآجمااعين

العام الجاي أني نجي ليكم اتهلا فيا هههه عامي الأول ههههههه

أكيد رتاج لازم نتهالاو يك

moholamine كتب:

رتاج الونشريس كتب:

moholamine كتب:الله يسهلك خيتو و إن شاء الله كي اليوم ونشوفوك تتصدري قائنة الناجحين أنت و كل من له شهادة هذا العام سواء من داخل المنتدى او من خارجه

اللهم آآآآآآآمييين.....آآجمااعين

العام الجاي أني نجي ليكم اتهلا فيا هههه عامي الأول ههههههه

أكيد رتاج لازم نتهالاو يك

شكرا لك أخي هذا من كرمك و جوودك

ماراهوش حاب يسقم روحو المدير هذاك

احنا ثاني في عامنا كاين وحدة غلطولها هي تفوت موسيقى دارولها رسم حتى دبرت راسها و فوتت الرسم.ناس قاعدة غير تخلط و حاسبين الغلطة نتاع السم هذي بزيادة حرف او إنقاصه حاجة ساهلة انا شحال من مرة قريت على اناس ضاع المستقبل نتاعهم بسبب خطأ ساذج من طرف المدراء.

الله غالب ماجاتش في بنتو و لا اقرباؤو ما يحس بيها


ماتعمريش راسك.

moholamine كتب:ماراهوش حاب يسقم روحو المدير هذاك

احنا ثاني في عامنا كاين وحدة غلطولها هي تفوت موسيقى دارولها رسم حتى دبرت راسها و فوتت الرسم.ناس قاعدة غير تخلط و حاسبين الغلطة نتاع السم هذي بزيادة حرف او إنقاصه حاجة ساهلة انا شحال من مرة قريت على اناس ضاع المستقبل نتاعهم بسبب خطأ ساذج من طرف المدراء.

الله غالب ماجاتش في بنتو و لا اقرباؤو ما يحس بيها


ماتعمريش راسك.

هه صح
البنت الي قتلي عليها شاهيناز صح؟؟؟حكاتهالي هاذ العام
و الله يا لمين شحال من دعوة راه داايها من عندنا..و الله غير مايربح في حياته و اعقل واش قتلك
إذا ماخلصهاش هنا يخلصها عنده لأنه يمهل و لا يهمل جل تعالى

علابالك العام الي فات نظن ا ماخانتنيش الذاكرة ضرب السيام كامل لأن 2 اولاد دابزوا و حصلت كامل فبنا
بنته قاللها روحي للدار واحنا البنات ضربنا2ضربات بالمونش و الولاد مانعرف واش دارلهم...وقيلا الفلقة

و تعقل كيما يكون التأخير ويضرب؟؟وحد النهار كنت معاهم ضرب وحد الطفل مسكيييييييييييين و الله غير غااضني و كون لقيت انا نضرب المدير
علابالك كسر عليه 2مونش و زاد ضربه tuyau

الله لا تربحه اللهم آمييييييييييين
و دعوة المظلوم مستجااابة

ولله يا رتاج رانا قاع كيف كيف
مام انا راني نقرا من 8 لل12 ومن 14-16 وكي نروح للدار يبداو روحي تقراي حتى لوحد يبغي يقتل روحو ويتهنا

ههه كاتيا كي قلتي على اسمك كتبوهلك كاتية واش نقول انا في السيزيام
اسمي داروه لقبي و لقبي داروه اسمي وراني مكملا هكا