لازم اتكلم لاني تعبت

كان لازم اتكلم لاني تعبت

تعبت والله العظيم تعبت من كل حاجة حواليا حسة ان حياتي انتهت من قبل ماابتدي

معرفش لية مخنوقة من حاجات كتير يااااااااااا مكتر صدماتي

في الناس اللي حواليا وديما كنت في الاخر اجي اقول لنفسي

الصدمة خدت وقتها وعدت
عملت فيها قويه وبصبر نفسي والصدمه بتقوي
بس فجأه حسيت بيا مقسومه لاتنين


الاولانيه واحده جوايا متبنجه متكتفه محتاجه تصرخ وتعيط
بس مش قادره ومش عارفه ولو دمعت طول الليل مش هيكفيها
بقت عامله زي عصفوره متجرحه من كل حته
ومن كتر جرحها ونزيفها فقدت وعيها
بقت شايفه كل حاجه وساكته ومابتعلقش حتى لو كان في جرح جديد
خلاص زي ماتكون ماتت بس هي لسه عايشه وبتشوف اللي حواليها
وبتاخد منهم وبتحاول تديهم بس مش قادره مش قادره
فقدت القدره على اي كلام او اي فعل

التانيه واحده بتكابر وبتعاند في الاولانيه
دي بقى بتتكلم وبتهزر وبروح وتيجي وتقول وتعيد
وبتحاول على قد ما تقدر انها تداري الاولانيه
عايزه تقول لا انا مش هاممني انا اهو تمام وكل حاجه حلوه اوي
قد ايه الاحساس دا متعب انك تبقى اتنين
وكل دا عشان خاطر الناس وعشان انتا نفسك تبقى اقوى من اي صدمه
بس انتا جواك جرحك هو هو
تعبك مابيقلش ولا بيروح لحظه


بس زي ما تقولوا فاض بيا او حاجه كدا وكان لازم اتكلم

كل حاجة بقت ماشية بالمقلوب كل حاجة بتحصل

عكس كل حاجة احنا عاوزها والغريبة

ان اي حاجة بنبقي متمسكين بيها اوي هي الحاجة الوحيدة اللي بتروح مننا

والحاجة اللي مش في دمغنا ولا عمرنا فكرنا فيها هي الحاجة الوحيدة اللي بنلاقيها قودامنا

خايفة من بكرة وقلقانة مفيش حاجة تطمن الحزن اتمكن منيي خلاص مش عارفة

افرح بحاجة تعبت والله العظيم تعبت عارفين الحزن دة متمسك اوي معرفش لية

مع اني ديما بقولة مش عوزاك وبهرب منو بس اظهار هو حبني خلاص

وماسك فيا اوي

معلش طولت عليكم بس كنت محتاجة اتكلم كنت هموت لو متكلمتش

18:39

شكرا نور بس هذا كلام من قلبي المجروح